අද ලෝකයට නැතුවම බැරි පරිඝණකය - ඉතිහාසය

නුතන පරිඝණකය යනු යුග ගනනාවක ජීවත් වූ බොහෝ පුද්ගලයන් පිරිසකගේ දැනුමේ හා වෙහෙසීමේ ප්‍රතිඵලයකි.  පරිඝණකය බොහෝදුරට ගණිතමය කටයුතු සදහා භාවිතා කරන උපකරණයකි. පරිඝණකයෙහි වේගය පිලිබද සදහන් කිරීමේදී "තත්පරයකට සිදුකල හැකි ගණනය කිරීම් ප්‍රමාණය" සැලකීමෙන්ම ඔබට මෙය පැහැදිලි වේ. පරිඝණකයේ ඉතිහාසය පිලිබද සැලකීමේදී එය ප්‍රධාන අවධි 4කට බෙදා දැක්විය හැකිය.

1. පූර්ව යාන්ත්‍රික යුගය (1450 ට පෙර )
2. යාන්ත්‍රික යුගය (1450 - 1840)
3. විද්‍යුත් යාන්ත්‍රික යුගය (1840 1940)
4. විද්‍යුත් යුගය (1940 සිට අද දක්වා)

මුල් කාලයේදී ගණනය කිරීම් සදහා දෑතේ ඇගිලි භාවිතාකල මිනිසා කල් යාමේදී ඒ සදහා විවිධ උපක්‍රම භාවිතා කිරීමට හුරුවිය. කඹයක ගැට යෙදීම, මැටි පුවරු භාවිතය ආදී උපක්‍රම භාවිතා කල මිනිසාට ඉජිප්තු ජාතිකයන් විසින් ප්‍රථමයෙනුත් පසුව ක්‍රි.ව 100දී පමන හින්දු ජාතිකයන් විසිනුත් සංඛ්‍යා පද්ධති හදුන්වා දෙන ලදි. ඊජිප්තු ජාතිකයන්ගෙ සංඛ්‍යා පද්ධති සංකේත අනුසාරයක් ගත් අතර හින්දු ජාතිකයන් විසින් නූතනයෙත් භාවිතා කරන 0-9 අංක වලින් යුත් සංඛ්‍යා පද්ධතිය හදුන්වා දුනි. එසේම ගණිතයෙහි වටිනාම ඉලක්කමක් ලෙස සැලකෙන  "0" ලොවට හදුන්වා දීමේ ගෞරවයද හින්දු ජාතිකයන්ට ලැබිය යුතු බව බොහෝ ඉතිහාසඥයන් පවසයි.


ක්‍රි.පු 3000 පමණ කාලයේදී චීන ජාතිකයන් විසින් ලොව ප්‍රථම ගණිත උපකරණය වන ඇබකසය(Abacus) සොයා ගන්නා ලදි.  ඇබකසය අද

ඇබකසය

භාවිතා කරනු ලබන පරිගණකය සඳහා මූලික අඩිතාලමයි. විවිධ ජාතීන් විසින් මෙම ඇබකසය නමැති ගණනය කිරීමේ උපකරණය විවිධ කාල වකවානු වලදී තමන්ට සුදුසු ආකාරටය සකසාගෙන භාවිත කර ඇත. මෑත කලීනවද ඇතැම් පාසල්වල ප්‍රාථමික අධ්‍යාපන කටයුතු සිදු කිරීම සඳහා ඇබකසය වැනි ගණිත මූලධර්ම ඇති උපකරණයක් භාවිතා කරයි.


1902 වර්ශයේදී ග්‍රීක විද්‍යාඥයින් පිරිසක් විසින් ග්‍රීසියේ ඇන්ටිකිතෙරා (Antikythera) දිවයිනේ මුහුදුබත් වු නැවකින් ලොව

ඇන්ටිකිතෙරා යන්ත්‍රය

මවිතකල උපකරනයක් සොයාගන්නා ලදි. මෙය ඇන්ටිකිතෙරා යන්ත්‍රය (Antikythera Mechanism) ලෙස නම් කලේය. පුරාවිද්‍යාඥයින් පවසන පරිදි මෙය ක්‍රි.ව 60-70 අතර කාලයේදී නිපදවූවකි. එකල තිබිය හැකියැයි බලාපොරොත්තු විය නොහැකි තාක්ෂණයකින් සපිරි මෙය ගියර් 37කින් යුත් පද්ධතියකි. ඉතාමත් විශිෂ්ඨ නිරවද්‍යතාවකින් යුතුව චන්ද්‍රයාගේ කක්ෂය ගනනය කිරීම, විවිධ රාශීන්ගේ චලිතයන් ගනනය කිරීම ආදිය සිදුකල හැකිව තිබුනි. එනිසාම බොහෝ විද්‍යාඥයින් විසින් මෙය ලොව ප්‍රථම යාන්ත්‍රික ඇනලොග් (Mechanical Analog) පරිඝණකය සේ පිලිගනු ලබයි.


නැවතත් ගණනය කිරීම් කරන යන්ත්‍ර පිලිබද මිනිසාට උනන්දුවක් ඇති වන්නේ 14වන සියවසේ මැද භාගයේ සිටයි. ඒ ක‍්‍රි. ව. 1450 දී ජර්මන් ජාතික ජෝන් ගුටර්න්බර්ග් විසින් මුද්‍රණ යන්ත‍්‍රය නිපදවීමත් සමගයි. එමගින් පොත් පිටු අංකනය කිරීමට හැකි විය. ක‍්‍රි ව 1642 දී බ්ලෙයිස් පැස්කල් (Blaise Pascal) විසින් ප‍්‍රථම යාන්ත‍්‍රික කැල්කියුලේටරය වන පැස්කලයින් (Pascaliene) යන්ත‍්‍රය නිපදවන ලදී. ඉන් සිදු කළ හැකි වූයේ එකතු කිරීම සහ අඩු කිරීම පමණි.

පැස්කලයින් යන්ත‍්‍රය

ජර්මන් ජාතික ගණිතඥයෙකු වන විල්හෙල්ම් වොන් ලිබ්නිස්ට් (1646-1716) විසින් ක‍්‍රි. ව. 1674 දී පැස්කලයින් යන්ත‍්‍රය වැඩිදියුණු කොට ගුණ කිරීම සහ බෙදීම කළ හැකි තත්වයට දියුණු කලේය. මේ සඳහා සිදුරුපත් (Punch Card) නමැති සංකල්පය භාවිතා කර ඇත.


1822 වර්ෂයේදී නූතන පරිඝණකයේ පියා ලෙස සැලකෙන චාල්ස් බැබේජ් මහතා විසින් පරිඝණකයක තිබිය යුතු මූලික ලක්ෂන වලින් යුත්

Analatical Engine

ආකෘතියක් ඉදිරිපත් කරන ලදි. මෙය "Defference Engine" නම් විය. පසුව මෙම ආකෘතිය වැඩිදියුණු කර 1833 දී වාෂ්ප බලයෙන් ක්‍රියාකරන "Analatical Engine" නම් යන්ත්‍රය නිපදවිය. ඇනලිටිකල් යන්ත්‍රයෙහි විශේෂත්වය වනුයේ එහි දත්ත ආදානය (Input), සකස් කිරීම (Process), තැන්පත් කිරීම (Storage) සහ ප්‍රතිදානය (Output) යන කාර්යයන් සිදු කිරීම සඳහා අවශ්‍ය උපාංග එහි තිබීමයි. පසු කාලීනව නිර්මාණය කළ පරිගණක සඳහා මොහුගේ මෙම සංකල්පය භාවිතාවිය. 


නොයෙකුත් තාක්ෂනික කාරනා මත පසු කලෙක ලොව භාවිතා වන ප්‍රධාන ශක්ති වර්ගය බවට විද්‍යුත් ශක්තිය පත් විය. එමෙන්ම 1906දී

MARK 1

රික්තක නල සොයා ගැනීමත් පරිඝණකයේ දියුණුවට ඉනිමං තැබීමක් විය. 1890දී ලොව සුපතල IBM සමාගම ආරම්භ විය. 20වන සියවස වන විට විවිධ තාක්ෂණික නිර්මාණ බිහි කිරීම අතින් ඉදිරියෙන් සිටි IBM සමාගම විසින් ප්‍රථම වරට විදුලි බලයෙන් ක්‍රියාකරනු ලබන MARK 1 නැමති පරිගණකය බිහි කරන ලදී.


ඉන් පසු 1946 දී වර්ග අඩි 1500ක පමණ විශාලත්වයකින් යුතු Vacuum Tube 18000ක් පමණ උපයෝගී කර ගනිමින් Eniac නම් පරිගණකය බිහිවිය. මෙය පරිගණකයේ පළමු පරම්පරාව සංඛේතවත් කරනු ලබයි. (මෙය ප්‍රථම විද්‍යුත් පරිගණකය ලෙස හදුන්වයි). 1951 දී Univac නමින් ප්‍රථම ව්‍යාපාරික පරිගණකය වෙළෙද පොළට එළිදැක්විය.


කි‍්‍රව 1976 දි APPLE ආයතනය විසින් APPLE 1 නමින් පුද්ගල

APPLE 1

පරිඝණකයක් නිපදවන ලදි. චිත‍්‍රක මුහුණතක් සහිත (Graphicai User Interface) ලෝකයේ මුල්ම සාර්ථක පුද්ගල පරිඝණකය මෙය විය. මෙලෙස යුග ගනනාවක් පුරා තාක්ෂණික වශයෙන් දියුණුවට පත් වෙමින් පැමිණි පර්ඝණකය වර්තමානය වන විට ප ඉතා දියුණු මට්ටමකට පත්ව ඇති අතර අත්ල මත ගෙනයාමට සුදුසු පරිදි කුඩා වී කෘතීම බුද්ධි වැඩ සටහන් මගින් බල ගැන්වී ඇත.


පහතින් දක්වා ඇත්තේ පරිඝණක පරම්පරාවන්හි විකසනය සහ ඒවාහි ප්‍රධාන වෙනස්කම් පිලිබද සංක්ෂිප්ත සටහනකි.

පළවන පරම්පරාව  (1939 - 1958 දක්වා)

• vacuum tubes භාවිතා විය.

  

  vacuum tubes

• විශාල ඉඩ ප‍්‍රමාණයක් අවශ්‍යය විය.
• පහල මට්ටමක processing speed සහිතයි.
•  punch card / punch paper tapes භාවිතයෙන් input/output සිදුවිය. 
• වැඩි විද්‍යුත් බල ශක්තියක් අවශ්‍ය විය.
• නිෂ්පාදන වියදම් ඉහළයි. බහුලව භාවිතා නොවීය.
• Machine Language භාවිතා විය.

දෙවන පරමිපරාව (1959 - 1963 දක්වා)

Transistor

• Transistors භාවිතා විය.
•  magnetic tapes/disk භාවිතා විය.
•  processing speed වැඩිය.

• ව්‍යාපාරික කටයුතු සදහා භාවිතයට ගැනිම ඇරඹණි.
• Assembly Language  භාවිතා විය.

තුන්වන පරමිපරාව  (1964 -1973 දක්වා) 

• පරිගණක පරිපථවල Intergrated Circuit, Microchip භාවිතා විය.

  

  Intergrated Circuit

• ප‍්‍රමාණයෙන් කුඩාවීම.
•  Memory ප‍්‍රමාණය පෙරට වඩා වැඩිවිය.
• නිෂ්පාදන වියදම අඩුයි.
• Mainframe Computer භාවිතයට පැමිණිම.
• භාවිතය බහුලවීමට පටන් ගැනිම.
• Pascal වැනි භාෂා භාවිතා විය.

හතරවන පරමිපරාව (1974 - 1990 දක්වා)

microprocessor

• CPU භාවිතයට එක්වීම. (microprocessor)
• ප‍්‍රමාණය තව තවත් කුඩාවීම.
• Processing speed වේගවත් වීම.
• Super computer බිහිවීම.
• ගෘහ කටයුතු සදහා පරිගණකය භාවිතයට යොමුවීම.
• නිෂ්පාදන වියදම තවත් අඩුවීම.
• C, C++ වැනි භාෂා භාවිතා විය.

පස්වන පරමිපරාව  (1991 සිට අද දක්වා)

• Nano තාක්ෂණය නිසා කුඩා ප‍්‍රමාණයේ යන්ත‍්‍ර බිහිවීම.
• Artificial Intelligent පිළිබද පරික්‍ෂණ ඇතිවීම.
• Sql, Prolog වැනි භාෂා භාවිතය.